فن

رانيا وفيق… فنانة ذو طابع خاص

كتب.. احمد فرج عصر

الفنانة رانيا وفيق زغلول من مدينة سمنود محافظة الغربية
تخرجت من كلية التربية النوعية قسم فنون
درست الرسم و التصميم وشغل الهاندميد وكذلك النحت و الطباعة و النسيج و الصياغة و اشغال النجارة و الخزف و الموزايك….
وتقول الفنانه رانيا علي لسانها… اتخرجت كنت ناوية اكمل ماجستير و دكتوراة و بالفعل رحت و قدمت.. لكن لقيت صديقة ليا اتصلت بيا و قالتلي ان في مصنع ملابس طالب رسامة ترسم التطريزات علي الملابس
رحت المقابلة و بالفعل اشتغلت رسامة لكن عجبني اكتر شغل تحويل الرسم من رسم لغرز علي الكمبيوتر.. فطلبت من صاحب الشغل اني اتعلم البرنامج دا و اني اشتغل عليه
و بالفعل اشتغلت عليه و عجبني جدا لأنه مجال جديد و تراجعت عن موضوع الماجستير و الدكتوراة لاني حسيت انها مش هتضيفلي جديد غير شهادة فقط
لكن الشغل خبرة و دخل و بداية حياة عملية
و اشتغلت في اكتر من مصنع ملابس و كمان كنت بشتغل مدرسة تربية فنية
اكتسبت خبرات كتير من الشغل اللي اشتغلته زي متابعة كتالوجات الموضة و الازياء و فهم كتير من امور تصنيع الملابس و تشغيل مكن التطريز و مكن الليزر و من حبي في الشغل كنت ببتكر طرق و غرز جديدة في اشكال التطريز كانت بتبهر كل اصحاب المصانع و كمان كمدرسة تربية فنية كان بيتطلب مني اني اقوم بعمل معارض و لوحات فنية و كانت دايما الميزانية اللي بتجيلي بسيطة مش بتكفي اني اعمل شغل
ف لأني بحب الشغل جدا.. بدأت اني ادور علي خامات بسيطة اعمل منها شغل
فبدأت في اعادة تدوير الخامات المستهلكة.. زي الورق و زجاجات البلاستيك و كسر الزجاج و المرايات و غيرها من الخامات و كنت بعمل من المخلفات دي اعمال فنية كتير
و دا اكسبني خبرة في التعامل مع الخامات زي مثلا انواع المواد اللاصقة او الالوان المناسبة لكل خامة
بعدها قررت اني افتح مرسم لتعليم الاطفال و الكبار الرسم و الاشغال الفنية لأن مدينتي كانت مفيهاش اي مركز لتعليم الانشطة و كانت فكرة ناجحة جدا
و لأني بحب شغل جدا ف دايما انا في حالة تعلم مستمر.. يعني لما بسمع ان في كورس مثلا بيعلم حاجة انا مدرستهاش في الكلية لازم اروح و اتعلم و دايما بتابع مواقع اجنبية و بتعلم منهم كل جديد ف عالم الهاند ميد لأنهم للاسف متقدمين عننا جدا
بعدها قررت انشأ براند استغل فيه خبراتي و اصنع منتجات فنية و اعرضها للبيع فبدأت بتصنيع قطع ديكورية زي المرايات من خامة الموزايك و كسر الزجاج الملون بطريقة مبتكرة….
انها الفنانة… رانيا وفيق زغلول

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق