قصة قصيرة

حوار ادبى بين الشاعر العودى “سالم عقاب” وصديقه عبد العزيز الازورى

حوار ادبى بين الشاعر العودى “سالم عقاب” وصديقه عبد العزيز الازورى

 

الفيوم – محمد عبد القوى 

 

فى قصيدة  كتبها الشاعر السعودى “سالم عقاب”  حيث  كانت حوار جمي بينه وبين

 

صديقه “عبد العزيز الازورى ” كتبا الشاعران  شعرا جميلا فى هذا الحوار

 

حوار مع صديقى 

بيني وبين الشاعر الكبير /سالم عقاب الحارثى 
سالم عقاب :
عشرك عشر يوم بعض الناس عشره ثمان
ياراعي .. الطيب .. والامجاد .. والاوله
على مبادئك ثابت .. لو يطول الزمان
المجد لك وانت له .. المجد لك وانت له
واليا رسب راسب العربان في الامتحان
اللي مخبيه في صدرك .. لمثله قله ..
ماني وانا سالم ابن عقاب راعي طمان
بيني وبين النجوم الشهب .. عقد وصله
احيان اجامل واعديها .. لقدر المكان
واحيان اقول الحقيقه صدق ومجلجله
الجار والضيف والصاحب عزيز ومصان
قولٍ على فعل .. ماهي .. هرجه مقوّله
اخفيت مافى الفواد .. وقلت مافى اللسان
ياعاشق الجزل .. جاك القاف وانته شله
……………………………………..
عبدالعزيز الأزوري
اللي زرع بذرة التقدير في اطيب مكان
يلقى سنـابل ضميـره بالوفـا مْحمّلـه
للعيب كسّابه .. وْ للطِّيب كاسب رهان
حبل المكارم .. قليل احسان ما يفتِلـِه
راع المبادي يموت ولا اختلف في الزمان
يفنـى زمـانــه على مبــْداه مـا بـدِِّلــه
دوك الذهب معدنه مقياس نقْـد و ضمان
في العالم اللي مضى أو عالم الرَّسْمَلَـه **
صحايف الطيب ما يبغى لها ترجمان
اللي يجيك اكرمه . . واللي جفاك اجفله
وانته عطتْك التجارب حرْبـه وصولجان
الشين تستنكره . . والطِيب تستعجِلِـه
واسمك رقـى للمعالي ياطويل اليمان
الوقت مستثمره . . والصعب مستسهله
سهيل منزالكم و الشمس شاهد عيان
هذا عطاك المدى . . و الثانيَـة مِقْبِلَـه
وان كان تبغى الحقيقة واختصار البيان
أقـوالك مجمّـلـه . . و افعـالك مكمّلـه
……………………………………….
** الرَّسْمَلَة : مفهوم اقتصادي حديث يعني تحويل أي شيء ممكن إلى رأس مال .

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق