تقاريررياضة

“عبود عبدالناصر” لاعب نادي النصر السابق يكشف عن انضمامة لنادي جديد

حوار : خالد محمود 📝

لاعب نادي النصر السابق عبود عبد الناصر صاحب ال 22 عاما ، الذي حصل علي جوائز وحقق العديد من المراكز المحلية ، كما حقق مع نادي النصر مركز ثاني في بطولة الجمهورية ، كما انه اول لاعب مصري يفتتح اكاديمة خاصة له لتدريب كرة القدم وتسويق لاعبيها في سن العشرين.

بدأت رحلة اللاعب عبود عبد الناصر منذ طفولته حين التحق بنادي العبور لسنة2010 مع الكابتن حازم  الهواري، وقضي فتره صغيره ثم انتقل الي نادي النصر القاهري مع كابتن مصطفي مرين ولعب دوري ممتاز لمدة سنتين، ثم انتقل الي نادي توشكا مع كابتن سعيد رجب وكابتن مصطفي عبد الرحيم.

كما اعلن عبود عن انضمامة الي نادي المنيا الرياضي قريبا ولكن تأخرت الأجراءات بسبب ظروف البلد وتجمد النشاط الرياضي.

واضاف عبود عبدالناصر الي ان اصدقاءه في الملعب يطلقون عليه لقب sonic لاحتلاله اكثر من مركز في الملعب ولسرعته، ولعب عبود في مراكز مختلفة علي ارض الملعب منها باك ليفت ، هاف ليفت ، دفيندر ، كما انه حصل علي لقب man of the match كثيرا وكانت اغلبها مع نادي النصر.

  • عند سؤال كابتن عبود عبد الناصر من اين جاءت لك فكرة افتتاح اكاديمية خاصة لك في هذا السن وكم استغرقت من الوقت في تنفيذها ومنساعدك علي تنفيذ هذه الفكرة ؟؟

رد قائلا : والله فكرة الاكاديمية جاتلي في حلم انت بتقول اهو انها في سن صغير اكيد مكنتش ضمن تفكيري.

– مأخدتش وقت كتير في تنفيذها انا حلمت بكدا بعدها بيوم بدأت انفذ وامشي في الاجراءات من ( محتاجه كام وفين وازاي).

– ساعدني صحابي وشركائي فيها الأن كابتن اسامة سعيد وكابتن محمود الخطيب وكابتن طه كل واحد قدر يعمل حاجة عملها والحمد لله علي قد تعبنا ربنا كرمنا والأكاديمية تم افتتاحها في رمضان 201‪8 عندما كان عمري 20 سنه ومن كرم ربنا نجحت واتعرفت في وقت قليل.

كما اضاف كابتن عبود انه بتعاون شركائه يقومون بتدريب اللاعيبة وتجهيزهم ويقومو بعمل متشات مع اندية واكاديميات مختلفة مع تسويق اللاعيبه.

كما اشار الكابتن انهم احيانا يقومو بإرسال اللاعيبة الموثوق منها ومن ادائها لتأدية إختبارات لأنديه مختلفة وتم قبولهم بفضل الله.

منهم من تم قبوله في اندية دوري ممتاز مثل مصر المقاصة ، طلائع الجيش، الزمالك ، كما يوجد لاعيبة في الاكاديمية مطلوبة في الأهلي وهتمضي قريبا بعد مرور الاذمة.

  • هل يمتلك اللاعب عبود عبد الناصر عمل اخر بجانب الحياة الكروية ام يكتفي بالعمل في تدريب كورة القدم وممارستها ؟ والسبب ؟؟

اكيد لاعب الكورة لازم يبقا عنده شغل تاني بعيدا عن الكورة، لأن دخل لاعيبة االكورة اللي مقدرتش توصل للنجومية مش هيكفي للمعيشه وبردو علي حسب ظروف كل لاعب ولكن الاغلبيه بيكون عنده دخل تاني.

  • ما هو الهدف الذي يسعي اللاعب عبود لتحقيقة في حياته الكرويه ؟

هدفي دلوقتي اتغير شويه انت لو جيتلي من سنتين كنت هقولك لاعب كوره درجه اولي وبعدين في المنتخب لكن دلوقتي مع مرور الوقت بقي هدفي الاكادميه تكبر ويبقي ليها اكتر من فرع في كل محافظة ف مصر علشان ربنا يكرمني واقدر اساعد ناس كتير انها توصل لحلمها ف سن صغير ولازم ف سن صغير.

  • ما هي رسالتك لكل لاعب ناشئ في مجال كرة القدم ؟

رسالتي لكل لاعب عنده 8 سنين 10 سنين الحق نفسك من دلوقتي لازم تلعب ف نادي ونادي كبير كمان لازم توصل لحلمك وبالاخص لو كنت لاعب كره قدم ف سن صغير وتبقي كمان اكتر واحد مميز في فريقك مش معني انك وصلت لنادي كبير انك وصلت اكيد لا ومثال ناشئين النادي الاهلي موليد199‪7 محدش كمل منهم غير رمضان صبحي واتنين تلاته كمان في فريق ٣٠ لاعب اتنين بس اللي كملو اسعي انك تكون الافضل ف كل وقت وفكل مكان.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق